Косовскиот Албанец, Лавдрим Мухаџери, кој своевремено им се приклучил на џихадистите од „Исламска држава во Ирак и Левaнтот“, е убиен во борбите со курдските воени сили, јави курдската телевизија КННЦ.
Дваесет и четири годишниот Мухаџери од Качаник, кој заминал во џихад во Сирија и таму вршел брутални злосторства, кон крајот на минатиот месец објави на Фејсбук фотографија како држи едно сириско момче и се подготвува со нож да му ја отсече главата, а потоа со неа во рацете позира пред камера.
Мухаџери со својот пост на ФБ предизвика лавина реакции на повеќе јавни личности припадници на етички албанската заедница во Македонија кои гестот на Мухаџери го оценија како срам за Албанците и муслиманските верници.