Денеска во Брисел ќе се одржи конференција на Воениот комитет на НАТО. На настанот ќе присуствуваат началници на генералштабови на земјите членки на алијансата. Мисијата ИСАФ во Авганистан ќе биде во фокусот на средбата а ќе се разговара и за регионалната безбедност на блискиот исток.
„Нашата земја ќе продолжи да ја креира воената сила според НАТО-стандардите, а во насока на изградба на оперативните капацитети и способности да продолжи со поддршката на идните мисии на Алијансата“, ја пренесува МИА изјавата на генерал-мајор Котески кој е во Брисел.
Македонската армија во Брисел повеќе наликува на армија од земја која е полноправна членка на НАТО, отколку на армија која доаѓа од земја партнер, вели генерал – мајор Котески.
Американскиот генерал Филип Бридлав ја презеде врховната команда на НАТО од досегашниот командат на сојузните сили во Европа, Џејмс Ставридис.
Врховната команда на НАТО е преземена од страна на генералот Филип Бридлав со ветување дека ќе ја освежи 28-члената воена алијанса во моментот кога таа се подготвува за големо повлекување од територијата на Авганистан следната година.