Најавената лидерска средба помеѓу претседателот на СДСМ и премиер Димитар Ковачевски и лидерот на опозициската ВМРО-ДПМНЕ, Христијан Мицкоски, ќе се одржи в среда во Клубот на пратеници.
Иако пред нецела седмица премиерот спомена дека освен лидерите на средбата би присуствувале и неговиот и тимот на опозицискиот лидер, сепак, во владиното соопштение во кое се информира за средбата, се наведува оти таа ќе се одржи помеѓу премиерот Димитар Ковачевски и лидерот на ВМРО-ДПМНЕ, Христијан Мицкоски.
На средбата, како што соопштија од Владата, лидерот на власта и опозицијата ќе ги соочат своите ставови во врска со одлуките кои треба да се донесат во Собранието со цел продолжување на европската интеграција на земјава, како и за пристапот на државата во одржувањето на односите со соседите.
Според лидерот на опозицијата, пак, постојат две опции за кои би требало да се разговара на средбата – едната е таа што ја застапува владата на премиерот Ковачевски, односно влегување на процесот за уставни измени во Собранието и нејзиниот евентуален успех, а втората опција е што доколку не успеат уставните измени, со оглед на тоа што ВМРО-ДПМНЕ отворено кажува дека нема да го поддржи овој процес.
Средбата Ковачевски-Мицкоски е закажана за 7 јуни со почеток во 11 часот во Клубот на пратеници.