Македонскиот премиер Димитар Ковачевски потврди дека во недела ќе има средба со собраниските и владини коалициони партнери на која средба ќе се направело рекапитулар на се досега направено, ќе се информирало за мерките за амортизирање на ценовниот шок опфатени со ребалансот на буџетот, за растечките цени на странските пазари на храната, енергијата..изјави Ковачевски.
„На средбата ќе го реафирмираме ставот за редовни парламентарни избори во 2024 година заедно со претседателските. Партиите од владејачката коалиција имаат јасна европска цел и визија и ова е коалиција за европска перспектива на државата. Имаме најдобри односи со сите соседи во регионот со исклучок на едно отворено прашање со Бугарија. Со овој состанок граѓаните ќе видат дека имаат влада која води грижа за нив, што е различна од опозицијата кај која гледаме само опструкција и бојкот и во чија коалиција има партии кои се против нашето членство во НАТО и ЕУ, изјави премиерот Ковачевски. (М.Т.)