За утре е предвиден почеток на изградбата на гасоводот за течен природен гас во Александрополис, што за регионот треба да донесе подобрена диверзификација во снабдувањето.
На инаугурацијата ќе присуствуваат премиерите на Македонија, Грција и Бугарија, Димитар Ковачевски, Киријакос Мицотакис и Кирил Петков и претседателот на Србија, Александар Вучиќ, јави дописничката на МИА од Брисел.
Поканет е и претседателот на Европскиот Совет, Шарл Мишел. Проектот за гасовод во Александрополис е од клучна важност за ЕУ во момент кога главна цел е независност од рускиот гас.
-Проектот ќе понуди нови извори и рути за набавка на природен гас и ќе ја зголеми безбедноста на набавката во Грција, Бугарија и другите земји во регионот, изјавија од кабинетот на Мишел.
Удел во изградбата, односно гасоводот ќе има и македонскотоо акционерско друштво ЕСМ.