Седум починати лица, 89 новозаболени и 17 излекувани е ковид билансот во земјата за последните 24 часа, информираат од Министерството за здравство (МЗ). Шест од смртните случаи се регистрирани во ГОБ „8 септември“ и тоа двајца пациенти од Скопје на возраст од 83, односно, 80 години, двајца од Куманово на возраст од 73, односно, 66 години, еден пациент од Струга на возраст од 44 години и еден од Тетово на возраст од 65 години. На Клиниката за инфективни болести и фебрилни состојби почина 54 годишен пациент од Тетово.
Од МЗ истакнуваат дека во последните 24 часа се направени 727 тестирања, при што се регистрирани 89 нови случаи на ковид-19 и тоа во Скопје – 35, во Куманово – 12, во Штип – 27, во Прилеп – 1, во Тетово – 7, во Гостивар – 1, во Струмица – 1, во Кочани – 4 и во Свети Николе – 1.
Институтот за јавно здравје (ИЈЗ) денеска регистрира 17 оздравени пациенти во Скопје – 2, во Прилеп – 12 и во Велес – 3.
Вкупната бројка на ковид дијагностицирани лица во нашата земја од почетокот на епидемијата изнесува 2.315, бројката на оздравени пациенти е 1.569, на починати е 140, а бројот на активни случаи во земјата во моментот изнесува 606. Последната дистрибуција по градови е следната:
Скопје – 876, активни 298
Куманово – 467, активни 55
Дебар – 51, активни 0
Штип – 103, активни 68
Прилеп – 212, активни 30
Тетово – 217, активни 83
Струга – 84, активни 13
Велес – 130, активни 27
Битола – 28, активни 3
Охрид – 23, активни 6
Кавадарци – 5, активни 0
Гостивар – 27, активни 7
Гевгелија – 4, активни 0
Струмица – 4, активни 2
Крива Паланка – 6, активни 0
Радовиш – 4, активни 0
Крушево – 3, активни 0
Кочани – 37, активни 6
Пробиштип – 2, активни 0
Кичево – 3, активни 1
Неготино – 12, активни 3 (7 заболени лица од ПЕ Неготино се жители на Демир Капија)
Демир Хисар – 1, активни 0
Македонски Брод – 2, активни 0
Пехчево – 3, активни 0
Делчево – 1, активни 0
Валандово – 2, активни 1
Виница – 3, активни 1
Кратово – 2, активни 0
Берово – 1, активни 0
Свети Николе – 2, активни 2.
Направените 727 теста се преку ИЈЗ – 446, преку ЦЈЗ Скопје – 53, преку Клиниката „Филип Втори“ (Жан Митрев) – 9, преку „Систина“ со PCR метода – 117 и преку МАНУ – 102. Досега во земјата се направени вкупно 30.302 тестирања на ковид-19.
Од вкупниот број направени тестови во изминатото деноноќие, 312 отпаѓаат на скринингот во градинки и во геронтолошки установи. Тестирањата се направени преку Центрите за јавно здравје во Прилеп и во Скопје, а регистрирани се три позитивни случаи во геронтолошка установа во главниот град.
На Клиниката за инфективни болести и фебрилни состојби во изминативе 24 часа се примени двајца пациенти, а хоспитализирани се вкупно 45 пациенти. Потешко болни и на кислородна поддршка се 16 пациенти, нема пациенти на механичка вентилација.
Во ГОБ „8 септември“ се примени пет нови, а вкупно се хоспитализирани 30 пациенти. На респираторна машина се три лица, a со потешка клиничка слика се девет пациенти.
Во болницата во Битола се хоспитализирани пет пациенти, а на домашно лекување се следи еден пациент. Во болницата во Штип се хоспитализирани 15 пациенти, а на домашно лекување се следат 15 пациенти во стабилна состојба. На инфективните одделенија во Охрид, во Велес, во Куманово и во Прилеп се хоспитализирани 27 пациенти, позитивни и сомнителни на ковид-19.