Published: Monday, August 29, 2022 16:24
Министерството за здравство (МЗ), согласно податоците од Институтот за јавно здравје (ИЈЗ), информира дека во последните три дена (од 26 август до 28 август) се регистрирани 389 случаи на ковид-19 од 1.561 тестови, две починати лица и 698 оздравени пациенти.
Нови случи на коронавирусот се регистрирани во Скопје – 205, во Битола – 34, во Охрид – 22, во Куманово – 20, во Прилеп – 14, во Кавадарци и во Делчево – 11, во Тетово – 10, во Кочани – осум, во Велес – седум, во Штип – шест, во Гостивар – пет, во Кичево, во Гевгелија, во Неготино, во Крива Паланка и во Берово – по четири, во Ресен и во Богданци – по три, во Струмица, во Радовиш и во Дебар – по два, во Струга, во Виница, во Крушево и во Македонски Брод – по еден.
Во текот на изминатите три дена се пријавени две починати лица од Скопје (79 год. и 85 год.). Согласно Регистарот на починати лица со дијагноза ковид-19 од „Мој термин“ се регистрирани две починати лица од Скопје (76 год.) и од Кичево (63 год.) во периодот од 18 август до 22 август.
Досега во земјата се направени вкупно 2.149.075 милиони тестирања на ковид-19.Вкупната бројка на ковиде-дијагностицирани лица во нашата земја од почетокот на епидемијата изнесува 339.881, бројот на оздравени пациенти е 328.478, на починати е 9.477, а бројот на активни случаи изнесува 1.926.