Македонија бележи рекорден број на смртни случаи на дневно ниво од почетокот на епидемијата на Ковид-19. Во изминатото деноноќие починаа 12 пациенти, регистрирани се 132 нови случаја и излекувани се 112 лица. Ова е билансот на коронавирус во земјата за последните 24 часа во кои се направени 868 тестирања што, според Министерството за здравство, дале позитивни резултати кај 57 лица во Скопје, 19 во Тетово, 13 во Штип, 10 во Куманово, седум во Прилеп, шест во Гостивар, пет во Охрид, четири во Велес, три во Струга, по две во Пробиштип и во Свети Николе и по едно лице во Дебар, во Битола, во Кавадарци и во Ресен.
Институтот за јавно здравје (ИЈЗ) денеска регистрира 112 оздравени пациенти и тоа од Скопје – 42, од Штип – 40, од Прилеп – 1, од Тетово – 16, од Велес – 1, од Гостивар – 5, од Кочани – 2, од Пробиштип – 3 и од Свети Николе – 2. Починати се 12 лица – пет пациенти од Скопје, по двајца од Тетово и од Струга и по еден од Штип, од Велес и од Гостивар.
На Клиниката за инфективни болести и фебрилни состојби починаа двајца пациенти од Струга на возраст од 60, односно 66 години, пациент од Тетово на возраст од 49 години и пациент од Скопје на возраст од 72 години.
Во ГОБ „8 септември“ починаа четири лица – тројца пациенти од Скопје на возраст од 56 години, од 69 години и 75 години и пациентка од Велес на возраст од 68 години. Во болницата во Штип почина пациент на возраст од 81 година, во Гостивар почина пациент на возраст од 70 години, а во Тетово почина пациент на 62 годишна возраст. На Институтот за белодробни заболувања за деца во Козле почина пациентка од Скопје на возраст од 83 години која денеска е потврдена како позитивна.
Вкупната бројка на ковид дијагностицирани лица во нашата земја од почетокот на епидемијата изнесува 6.209, бројката на оздравени пациенти е 2.427, на починати е 298, а бројот на активни случаи во земјата во моментот изнесува 3.484. Дистрибуцијата по градови е следна:
Скопје 3006, активни 1986
Куманово 750, активни 293
Дебар 92, активни 40
Штип 332, активни 148
Прилеп 257, активни 33
Тетово 681, активни 366
Струга 218, активни 133
Велес 182, активни 37
Битола 50, активни 17
Охрид 167, активни 143
Кавадарци 15, активни 9
Гостивар 117, активни 62
Гевгелија 10, активни 3 (*2 лица од ПЕ Гевгелија се жители на Богданци)
Струмица 15, активни 10
Крива Паланка 15, активни 9
Радовиш 4, активни 0
Крушево 6, активни 3
Кочани 69, активни 22
Пробиштип 17, активни 9
Демир Хисар 2, активни 1
Македонски Брод 4, активни 2
Пехчево 6, активни 3
Берово 2, активни 0
Валандово 6, активни 2
Виница 3, активни 0
Делчево 1, активни 0
Кратово 4, активни 1
Свети Николе 27, активни 23
Кичево 30, активни 25
Ресен 100, активни 94
Неготино 21, активни 10 (* 10 лица од ПЕ Неготино се жители на Демир Капија)
Направените 868 теста се преку ИЈЗ – 660, преку МАНУ – 110, преку Клиниката „Жан Митрев“ (Филип Втори) – 25 и преку „Систина“ со PCR метода – 73. Досега во земјата се направени вкупно 59.633 тестирања на ковид-19. Денеска нема тестирања во рамките на скринингот.
На Инфективната клиника во изминативе 24 часа се примени четворица пациенти, а вкупно се хоспитализирани 92. На кислородна поддршка се 45 пациенти, нема пациенти на механичка вентилација. Во болницата во Козле се хоспитализирани 20 возрасни пациенти позитивни на ковид-19, две позитивни деца и четири со симптоми на вирусот.
Во ГОБ „8 септември“ се примени 14 нови пациенти, вкупно се хоспитализирани се 136 пациенти. На респираторна машина се 11 пациенти.
Во болницата во Битола се хоспитализирани 41 пациент, а во болницата во Штип се хоспитализирани 32 пациента. На инфективните одделенија во Тетово, во Охрид, во Велес, во Куманово и во Прилеп се хоспитализирани 78 пациенти, позитивни и сомнителни на ковид-19.
Активни случаи по општини Скопје заклучно со вчера (по завршување на епидемиолошките анкети, може да има измена во дистрибуцијата по општини во Скопје)
Чаир – 417
Аеродром – 148
Бутел – 134
Гази Баба – 158
Центар – 131
Карпош – 135
Сарај – 142
Кисела Вода – 106
Ѓорче Петров – 101
Студеничани – 91
Шуто Оризари – 75
Арачиново – 53
Илинден – 32
Петровец – 18
Чучер Сандево – 15
Сопиште – 12
Зелениково – 2
Странец – 2
Нераспределен – 157