Грчкиот министер за надворешни работи, Никос Коѕиас, утре ќе има средба и со вицепремиерот за европски прашања, Бујар Османи.
– На средбата ќе се разговара за односите меѓу двете земји, особено новите можностите за унапредување на билатералните односи кои се отвораат согласно новата позитивна клима во регионот. Вицепремиерот Османи, на министерот Коѕијас ќе му го претстави Планот 3-6-9, процесот на неговата имплементација, како дел од обврските со кои Македонија ја враќа европската агенда како врвен приоритет. Тема на средбата ќе биде и продолжувањето на успешната соработка во искористувањето на ИПА фондовите наменети за прекугранична соработка, како успешен модел кој треба да претставува пример за изградба на мерки на доверба помеѓу две соседни држави – пишува во најавата од Секретаријатот за европски прашања.
Освен со вицепремиерот Османи, Коѕиас ќе оствари средба и со министерот за надворешни работи, Никола Димитров.