Грчкиот шеф на дипломатијата, Никос Коѕиас в четврток доаѓа во Скопје. Според неофицијални информации во Грција, Коѕиас доаѓа во Скопје на покана на македонскиот министер за надворешни работи, Никола Попоски и ќе се обрати на Амбасадорскиот совет во Министерството за надворешни работи пред шефовите на дипломатско-конзуларните преставништва на Македонија.
Коѕиас ќе има и тет-а-тет средба со Попоски, со кого последен пат се сретнаа и разговараа во јули на маргините на Самитот на НАТО во Варшава. На агендата на посетата и говорот на Коѕиас се очекува да бидат спорот за името, билатералните односи меѓу Македонија и Грција, како и европската перспектива на Македонија.
Ова ќе биде втора посета на Коѕиас на Скопје. Грчкиот шеф на дипломатијата се сретна со Попоски лани во јуни во македонското МНР, средба на која беа и официјално најавени и потпишани мерките за градење доверба меѓу двете страни.