Меѓународната банда „Пинк Пантер“ веќе години наназад со кражбите кои светските медиуми ги опишуваат како „филмски“ и „спектакуларни“ и ги заземаат насловните страни, од оваа недела ќе го добијат своето место и на филмското платно – во Њујорк е закажана премиера на документарецот „Скрши и земи: Приказната за Пинк Пантер“.
Како што наведува „Њујорк Тајмс“, токму инсајдерските детали е она што ги издвојува најдобрите филмски трилери од просечните, а баш такви детали се документирани во филмот.
„Скенирајќи го српскиот круг на крадци, кој името го доби по инспекторот Клузо од филмот „Пинк Пантер“, овој филм на Хавана Маркинг практично им овозможува на групата врвни криминалци да ни пренесат увид во кражбите од највисоко ниво“, пишува „Њујорк Тајмс“.
Нивните сведочења во полуаминираниот филм, зборуваат за подготовките за извршувањето на „работата“, кои не смеат да траат подолго од 30 секунди, како и периодот после кражбата – продажбата на украдената стока и константната параноја.
„Повеќето дијаманти завршуваат во САД, тие имаат човек кој за 24 часа ги изработува лажните сертификати и ја зема стоката…повеќето крадци се од Србија и Црна Гора, а сега работата ќе им оди потешко, бидејќи земјата се ближи кон ЕУ. Веќе нема да бидат заштитени од меѓунардоната полиција“, се зборува во филмот.
Во документарецот се гледаат снимки од сигуроносните системи кои прикажуваат директен увид во кражбите на „Пинк Пантер“, додека сведочењата на петте крадци кои Маркинг успеала да ги интервјуира, прикажани се преку анимирани ликови и гласови.
„Ние сме голема мрежа која работи заедно. Секој од нас има точно дефинирана задача и сите зависиме еден од друг“, сведочи еден од крадците.
Интерпол вели бандата брои повеќе од 200 члена, во главно од поранешните ЈУ простори и досега имаат однесено плен вреден пола милијарда евра.
„До крајот на филмот ќе ја добиете реалната слика на оваа банда. Тие не се претерано среќни луѓе кои уживаат во своите милиони“, вели режисерката која тврди дека „Пантерите“ со кои се сретнала се „депресеивни, осамени и параноични“.
„Скрши и земи“ е првично наменет за британската телевизија.