Финансиската полиција поднесе кривична пријава до ОЈО против претседателката на Институтот за сметководители Ленче Папазовска за исплата на повеќе од 130 000 евра на физички лица кои не извршиле никаква услуги за Институтот.
Папазова, според пријавата од Финансиската полиција, на 2 јануари 20017 година склучила договор со ИСК (Интрнационална стопанска комора) и потоа во повеќе наврати префрлила пари од Институтот на сметка на ИСК во висина од 160 илјади евра – парите биле наменети за физички лица ( членови на управни одбори, надѕорни одбори и комисии ) иако тие не извршиле никаква услуга за Институтот.
„На овој начин во текот на 2017 година, од страна на ИСК Македонија, исплатени се вкупно 7.994.00,00 денари, на поголем број физички лица, на име надомест за подготовка на обуки, надомест за консултанти ангажирани за експертиза од областа на даноците и сметководството, како и презентациски способности, за кој износ пријавените го оштетиле Институтот на сметководители и овластени сметководители на Република Македонија“, соопштија од финансиската полиција.
Кривична пријава е поднесена и против овластено лице во ИСК.
Договорот за експертиза бил склучен со траење до 2021 година и според наводите на Финансовата полиција целта била постојано да се префрлуваат пари на експерти, консултати кои ниту вршеле консултации ниту презентирале ниту вршеле обука за сметководители.
Папазова утринава поднела оставка на функцијата.