СВР Струмица поднесе кривична пријава против десет доктори по општа медицина од здравствени установи во Струмица, кои издале 80 фалсификувани лекарски уверенија, а за едно наплатувале од 150 до 500 евра
В.М.(53), Љ.Р.Б.(40), Т.Р.(36), В.П.(45), Р.М.(40), Д.Ѓ.(33), К.М.(35), Ј.М.Г.(40), К.С.(27) и З.П.(41), се теретата за „злоупотреба на службената положба и овластување“, „фалсификување службена исправа“ и „издавање и употреба на невистинито лекарско или ветеринарно уверение“.
Кривични пријави де поднесени и против Џ.Н.(45), М.Ј.(35), М.Б.(41), А.Ц.(57) и Л.Б.(59), за „примање награда за противзаконито влијание“ и „издавање и употреба на невистинито лекарско или ветеринарно уверение“.
Лекарите во периодот од 2010-2012 година, на барање на останатите пријавени издале вкупно 80 фалсификувани лекарски уверенија, дел од нив се бланко пополнети без впишано име и презиме и со идна дата, без притоа истите да бидат евидентирани во амбулантските дневници за извршени прегледи и издадени уверенија.
За услугата од заинтересираните странки наплатувале износ од 300 до 3.000 денари по едно лекарско уверение.
Останатите пријавени од лица заинтересирани за добивање на бугарско државјанство наплатувале од 150 до 500 евра по што им обезбедувале лекарски уверенија, а потоа истите ги употребувале пред овластените државни органи во Бугарија во постапката за добивање на бугарско државјанство.