Одделот Кривично полнолетни при Основниот суд Скопје 1 – Скопје, постапувајќи по добиени барања согласно Законот за амнестија на настаните од 27 април 2017 година во Собранието на Р.Македонија, а по добиени мислења од надлежното обвинителство, во Законски утврдениот рок донесе решенија со кои прифати барања за манестија на 5 лица.
Се работи за лицата Марјан Стојкоски, Ангелчо Зафировски – бате Геле, Мирче Цветковски, Виктор Настав кои биле осудени на условни казни за 27 април. Амнестија доби и лицето А.Ш. кое било осомничено за настаните од 27 април но не е обвинето.
Барање за амнестија поднеле и други 7 обвинети лица но тие се одбиени како неосновани и доставени до странките.
Обвинетите, согласно Законот, имаат право на жалба на решенијата во рок од 3 дена до повисокиот суд.
Сите останати барања, за кои сеуште тече рокот за одлучување се во фаза на изготвување решенија и во следните денови ќе бидат доставени до странките.