“Владата на Германија загрижено ги следи настаните во Македонија кои се случија во и околу Собранието како и бојкотот на опозицијата. Владата очекува од сите страни нормализирање на собраниската работа и откажување од насилни и опструктивни дејствија.

– Владата на Германија за сега не гледа причина да се откаже од поддршката на Македонија во процесот на евроатлантското интегрирање” изјави државната министерка Корнелија Пипа одговарајќи на пратеничкото прашање на Хеике Хансел.

Хансел во своето обраќање до владата прашува дали власта во Германија размислува да превземе мерки со оглед на тоа што, насилното исфрлање на пратениците и кратењето на нивните плати не е во согласнот со европските сфаќања за демократијата.