Седум луѓе починаа на Куба откако пиеле илегален метил алкохол. Во болницата во Хавана се примени уште четириесетина лица, некои се во критична состојбата.
Отровната течност која се користи и како гориво, била украдена од државните магацини и била продавана како кубански рум.
Властите ги повикаа сите кои имаат симптоми на труење да се јават на лекар, јави BBC.
Државната телевизија објави дека поради инцидентот под истрага се двајца вработени во Институтот за фармација и храна.
Починатите лица се на возраст од 37 до 58 години.