Холандскиот министер за надворешни работи Берт Кундерс, како претседавач со Советот на ЕУ упати писмо до лидерите на четирите партии потписнички на Договорот во Пржино, во кое бара нивен ангажман за итно решавање на политичката криза во земјата.
– Како претседавач на Советот на ЕУ и долгогодишен поддржувач на вашата земја ви пишувам на сите потписници на Договорот од Пржино да ја изразам мојата сериозна загриженост за настанатата политичка криза. Меѓународната заедница останува целосно посветена да им помага на партиите. Но, целосно безусловно имплементирање на Договорот кој го потпишавте сите, како и итните реформски приоритети се клучни за евроатлатската иднина на вашата земја. Кога се работи за ова нема алтернатива. Затоа клучно за стабилноста на вашата земја и просперитетот на вашите граѓани да најдете начин за излез од кризата.
Длабоко ја поддржувам изјавата на комесарот Хан дека пропаѓањето на Договорот од Пржино ќе донесе сериозни последици вклучувајќи го и интегративниот процес во ЕУ. Одговорност е на сите политички партии веднаш да се справат со кризата. Во однос на ова, сакам да ви поптенцирам два елементи на кои веднаш мора да работите, се вели во писмото.
Кундерс истакнува пред се, дека минималните услови за кредибилни избори потенцирани од ЕУ и САД не се исполнети, како прочистуивање на изборачкиот список, медиумските реформи, одделување на партијата од државата и прекин на заплашувањето на гласачите.
– Слободни, фер и инклузивни избори се клучни за Договорот од Пржино и непроценливи за демократската иднина на вашата земја. Затоа, овие критериуми треба да бидат исполнети без понатамошно одлагање. Второ, одлуката на Претседателот да ги аболицира обвинетите или оние кои се под истрага, а поврзано со индициите од прислушувањето, особено оние политичари кои во моментов се под истрага на Специјалното јавно обвинителство, мора да биде повлечена. Клучно за Договорот од Пржино и за решавање на политичката криза е да му се дозволи на СЈО непречено да ја заврши својата работа. Меѓународната заедница останува целосно посветена да има асистира на партиите но клулот з арешавање на кризата е во политичките лидери кои го потпишаа Договорот од Пржино, истакнува Кундерс во писмото со потписниците на Договорот од Пржино.