На социјалните мрежи и во дел од проруските медиуми кружи фотомонтажа на неодамна починатиот руски активист и политичар Алексеј Навални, (кој беше жесток критичар и силен противник на Владимир Путин), дека со рака покажува нацистички поздрав и со тетоважа на градите на Адолф Хитлер.
Ваквата руска пропаганда доаѓа откако на 16 февруари 2024 година под засега нејасни околности почина затворениот руски опозициски лидер и отворен критичар на Кремљ, Алексеј Навални, кој стана светски познат кога беше отруен со нервен агенс во 2020 година.
Всушност оваа руска пропаганда со лажната фотографија од Навални датира уште од 2013 година.
Вистинската фотографија е оваа од антимингантски протест на руски (нео)нацисти.
Инаку, Навални долго време беше трн во окото на претседателот Владимир Путин, откривајќи ја корупцијата на високи места, водејќи кампања против владејачката партија Единствена Русија и организирајќи некои од најголемите антивладини протести видени во последниве години.