Икер Касилјас (35) е легенда меѓу стативите на фудбалските терени, а вечерва стана и рекордер. Голманот на Порто, во реваншот против Јувентус во осминафиналето во Лигата на шампиони, го забележа 175 настап во клупските натпреварувања на УЕФА.
Дебито на европската сцена го имаше во 1999 година како член на мадридски Реал. Осумнаесет години подоцна осамна на врвот на листата полна со легенди што досега го делеше со Паоло Малдини. Трет е Чави со 173 меча пред Сидорф со 163 и Раул со 161 одигран натпревар.
Покрај Касилјас во топ 10 од активните играчи во Европа се наоѓаат и чуварот на мрежата на Наполи, Пепе Реина со 152 средби и моментно најдобриот светски фудбалер Кристијано Роналдо со 147.