Жири комисијата составена од актерката Зорица Панчиќ, режисерот Ненад Витанов и драматургот Сашо Димоски едногласно донесе одлука, оваа престижна театарска награда да и се додели на легендата на македонското глумиште Милица Стојанова.
Наградата за животно дело ја добива за бројните но ретки улоги во кои публиката станува заробена во раскошната емоција на актерката. Нејзиното појавување на сцената никогаш и никого не оставила рамнодушен и станува неповторлив уметнички настан.
– Сега веќе ги наполнив скоро 60 години стаж. Неуморна сум. Јас ги плашев на времето, им велев, ако престанете да ме земате да играм јас ќе умрам порано. Ги лажев нормално ама они буквално ме сфатија и сите ме земаа. За тоа јас сум многу радосна – рече Стојанова.