Неодамна откриеното тврдење за заговор за смртта на принцезата Дијана уште еднаш создава конфузија, речиси 16 години откако жената, која сега ќе беше кралска баба, загина во сообраќајна несреќа во Париз.
Но, британската полиција се чини дека го руши тврдењето – дека британската воена служба била вмешанa во смртта на Дијана, нејзиното момче и нивниот возач во август 1997 година, јавува Си-Ен-Ен.
“Ова не е повторна истрага,” лондонската Метрополитен полиција истакна во соопштението, во кое не откри ништо од она што беше веќе кажано.
Најновите тврдења се чини дека се испратени прво до воените власти, а потоа во лондонската полиција, од страна на родителите на жената на снајперист од британските специјални сили, откако неговиот брак се распадна, според една статија на веб-сајтот на весникот Sunday People.
Весникот не понуди извор за своето известување, туку само соопшти дека видел седум страници ракописно писмо од страна на родителите на жената и наведувајќи дека војникот, кому весникот не му го споменува името, се пофалил на неговата сопруга дека командосите на елитната британска Специјална воздушна служба стојат зад смртниот случај.
Министерството за одбрана на Британија изјави за Си-Ен-Ен само дека “ова е за Метрополитен полицијата да го испита.”
Ниту Сандеј пипл, ниту претходната верзија од страна на Асошиејтид прес, не понуди детали за тврдењето на вклученост на војници во смртните случаи.
Несреќата се случи откако парот замина од хотелот Риц и беа прогонувани од страна на папараците на мотоцикли. Телохранителот на г-дин ал-Фајед, Тревор Рис-Џонс, беше единствениот преживеан.
.jpg)
Во истрагата за нивната смрт, судот најде дека двојката незаконски загинала и смртните случаи биле резултат на “небрежност” на делумно на г-дин Пол и папараците.
Гонењето на папараците, големото пиење на г-дин Пол и неносење на појаси придонеле за смртниот случај, рече тогаш судот.
Истрагата траеше повеќе од три месеци и беа ислушани 250 сведоци.
