ДУИ најверојатно нема да го подржи Предлог за законот за медицински студии и континуирано стручно усовршување на докторите по медицина. Овој предлог закон е ставен како 23-та точка на дневен ред на денешната собраниска процедура иако расправата за него сеуште не е завршена.
Предлог законот предизвика незадовоство и бура од реакции кај лекарите и во Медицинскиот факултет. Тие бараат да се сменат забелешките од непрочистениот текст иако сметаат дека расправата е само формалност бидејќи предлог законот веќе се најде во собраниска процедура.
-Јас им пратив писмо на сите лекари своите забелешки во електронска форма да му ги испратат директно на министерот за здравство Никола Тодоров изјави за НОВА ТВ деканот на Медицински факултет Никола Јанкуловски.
Ова е трета расправа околу содржината на предлог законот бидејќи лекарите имаат многу забелешки на непрочистениот текст. Едно од многуте барања за кој се побунија лекарите е да се избрише членот каде што стои дека хирургот мора да плати 2000 евра казна доколку не го прати на снимање пациентот кој мора итно да се оперира.
-На нас тогаш ни е важна секоја минута за да мораме да интервенираме. Со новиот закон ние треба да плаќаме казни доколку не побараме да се снима пациентот, наместо да го спасуваме неговиот живот негодуваат лекарите.
Лекарите сметаат дека министертвото за здравство со овој предлог закон има премногу ингеренции во однос на едукацијата на идните лекари, со што се меша во автономијата на високото образование. Медицинскиот факултет бара да се стопира донесувањето на законот до 2014 година.