Медицинскиот персонал во ГОБ“8 Септември“ е на нозе, подготвен да протестира доколку болницата стане повторно Ковид центар.
До овој моментот таму се одвиваа преговори бидејќи медицинскиот персонал се против решението болницата потворно да стане Ковид центар, неофицијално дознава НОВА. Како што информираат извори од болницата таму бил министерот за здравство Венко Филипче кој разговарал со директорот за да се најде решение.
„Медицинскиот персонал се спрема на протест, одлучно спротиставувајќи се на оваа наредба на министерот Филипче. се противат анестезиолозите, хирурзите и сите останати, како и медицинските сестри кои „изгинаа“ во изминатите шест месеци “, велат извори од болницата.
Болницата одвои еден посебен оддел за Ковид и го огранични бројот на хоспитализирани пациенти до 50 , по што започна нормално да функционира и со тоа се стави во служба на сите пациенти.
Откога започна нагло да се зголемува бројот на заболени со Ковид, се праќаат сигнали дека болницата повторно да стане Ковид центар.
И директорот Христијан Костов деновиве изјави дека доколку ситуацијата со коронавирусот се влоши тие како болница се целосно подготвени.
Ова ги вознемири вработените кои велат дека се преморени, а имаат и многу заболени од Ковид меѓу медицински персонал.Само во последните неколку дена се заразиле нови четворица вработени.
Болницата остана и без лекарката инфектолог која замина во приватната болница Аџибадем Систина, но најави дека во „8 Септември“ останува како консултант. На инфективниот оддел има само двајца инфектолози од кој едниот е пред пензија.