Лекарот Звонко Николовски од ПЗУ„Јанита“ има лиценца за работа за општа хирургија која е обновена минатата година и важи до 2025 година, потврдија за НОВА во Лекарската комора.
Но, во Комората нема податок дека против него е водена судска постапка, ниту некогаш му била времено одземена дозволата за работа.
Од таму потврдија дека доктор Крсте Митаноски од ПЗУ „Д-р Сци.мед. К. Митаноски“нема важечка лиценца за работа.
„Митаноски нема валидна лиценца за работа, истечена е и не му е обновена“, велат во Лекарската комора.
ДСЗИ се уште нема сознанија кој е носител на дејност во оваа ординација за пластична и реконструктивна хирургија, дали др. Митаноски или некој сосема друг. Во усната изјава тој само кажал дека е пензионер.
„Имаме доставено писмено барање во рок од 3 дена да ни ја достават документацијата. До петок очекуваме да го сторат тоа, ако не ќе ја известиме МВР“, велат во ДСЗИ.
Се знае само дека ја издавале операционата сала на други лекари. Таму хирургот Николовски ја извршил операцијата на хемороиди на починатиот Булент Ибрахим.
Досега по допрен глас не реагираа ниту УЈП, ниту МВР бидејќи сопругата на починатиот јавно кажа дека парите за операцијата ги исплатила на рака, а за тоа не добила фискална сметка ниту никаква белешка.
Вчера забрана за вршење на здравствена дејност доби Николовски од ПЗУ “Јанита“и топј не смее да врши здравствена дејност надвор односно интервениции надвор од сопствените простории каде што нема операциона сала.
Забрана за вршење дејност заради намање на кадар доби и ПЗУ „Д-р Сци.мед. К. Митаноски“каде што била извршена интервенцијата на 38 годишниот Булент Ибраим кој почина минатата недела во Градската болница“ 8 Септември“ од сепса.