Андол, парацетамол, линекс, ефералган, проспан и разни витамини ќе можат да се купат во супермаркетите и на бензинските пумпи.
Министерството за здравство ја изготви листата на 108 лекови и препарати кои граѓаните најчесто ги земаат при првична помош на здравствени потешкотии, без да се јават на лекар.
Оваа мерка на министерството, првенствено ќе им користи на жителите на руралните средини каде што нема аптеки.
„Со законските измени овозможено е продажба на лекови од оваа листа, која што е направена според критериумите во САД и европските земји. На овој начин, лековите ќе бидат подостапни во реоните кои што се подалеку од аптеките или каде што има помала населеност во тие места”, изјави министерот за здравство Никола Тодоров.
Фармацевтите преку нивното здружение во Сојузот на стопански комори неколкупати остро реагираше на ваквите законски измени, со образложение дека се уништува бизнисот на аптеките.