Претставници на стечајците и левичарските движења кои улествуваа на протестот пред Влада во моментов одат во просториите на Хелсиншкиот Комитет на разговори по ексалирацијата на протестот.
Откако масата го проби полицискиот кордон пред зградата на Владата неколкумина од нив беа соборени на земја и со лисици на рацете беа внесени во едно полициско комбе.
Според информациите на НОВА од терен во полициското комбе биле внесени активист од левичарскот движење Солидарност Васко Цацаноски и лидерот на стечајците Лилјана Георгиевска, која и покрај тоа што барала од полицијата да ја пуштат за да ги смири стечајците, тие ја ставиле во полициското возило.
По инсистирање на Уранија Пировска, од Хелсиншкиот комитет, Георгиевска беше пуштена, по што таа им се обрати на стечајците.
Портпаролот на СВР Скопје Лиза Бендевска, за НОВА изјави дека не станува збор за никакво приведување.
Протестот започна утрово во 10 часот под силно полициско обезбедување, пред Сојузот на синдикатите на Македонија.
И покрај барањата на стечајците, синдикалниот лидер Живко Митревски не се појави пред народот. Лидерката на стечајците пак, Лилјана Георгиевска, неколку пати влезе во конфликт со полицијата борејќи се директно да стапи во контакт и да му ги укаже барањата на Митревски, но оттаму излегоа само со соопштение.
-Сојузот на синдикатите на Македонија во рамките на своите прогрмаски цели и определби во континуитет од постоењето на проблемот на стечајните работници, настојувал истиот да биде решен на начин што ќе се обезбеди заштитита на оваа категорија на работници.
Во име на работниците кои протестираа денеска, Георгиевска побара од Владата да не си поигрува со стечајците, зашто ќе ја снајде не Босна, не Украина, туку нешто полошо.
На денешниот протест на стечајците и работниците кои се технолошки вишок во Македонија, поддршка дадоа и Движењето за социјална правда Ленка и Левичарското движење Солидарност.