Полицијата во Северна Ирска го притвори лидерот на Шин Фејн, Џери Адамс заради сомневање дека бил вмешан во киднапирање и убиство на жена од Белфаст, извршено во 1972 година од страна на Ирската Републиканска Армија (ИРА).
Адамс потврди за апсењето и го оквалификува како доброволно.
Подолго време се очекуваше дека полицијата ќе изврши информативен разговор со Адамс за убиството на Џин Меконвил, 37-годишна вдовица на десет деца која ИРА ја ликвидира како наводен шпион. Подоцнежната истрага доведе до отфрлање на овие обвинувања, иницирана од Омбудсманот.
– Сметам дека убиството на Меконвил и нејзиното тајно погребување се погрешни и дека тоа е тешка неправда за неа и за нејзиното семејство. Објавените малициозни обвинувања против мене ги отфрлам, изјави Адамс кој додаде дека никогаш не негирал дека е член на ИРА.