На почетокот на судењето на предметот „Ликвидација“ денеска во судот истапија адвокатите со приговори и барење до судот да го отфрли обвиненето, со аргумент дека такво кривично дело не постои по измените не Кривичниот законот направени во октомври 2011 година.
Па според нив оттука произлегува дека ова дело треба да се повлече бидејќи не постои.
Одбраната трди дека ова дело обвинителката Лиле Стефанова го покренала по член кој речиси две години е укинат и не е на сила.
Адвокатите ги насочија судот и обвинителството да си ги абдејтираат податоците во судската библиотека, по што судот прогласи пауза.
Покрај ова одбраната побара судот да се прогласи за ненадлежен будејќи според обвинението има еден потикнувач на делото и двајца соизвршители, а за да може едно дело да се третира како организиран криминал, законот предвидува еден потикнувач и тројца соизвршители.
„Ликвидација“: Кежаровски на обвинителна клупа
Апел: Кежаровски да се брани од слобода
Во мометот има пауза. Процесот го следат претставници од Американската амбасада, Хелсиншкиот комитет, ОБСЕ, како новинарските здруженија.
Покрај Кежаровски на обвинителната клупа денеска седнаа уште седум лица, меѓу кои судии, јавен обвинител и адвокат.
Кежаровски е обвинет за напишан текст објавен пред пет години во кој го открил идентитетот на заштитен сведок. Стнува збор за случајот Ореше односно убиството на Лазар Милошевски (74) во 2005 година во велешкото село Ореше. Во март годинава, тројцата обвинети беа ослободени од вина.