Настанот посветен на младите кој се случи во Општина Липково, е прв од ваков вид и со право предизвика голем интерес кај младите од овој крај. Имено, група на млади од оваа општина, во координација и соработка со Центарот за меѓукултурен диjалог и Младински образовниот форум(МОФ) започнаа со реализација на проектот за зајакнувањето на локалните младински капацитети и за промовирањето на младинските политики на локално ниво.
„Станува збор за проект кој е поддржан и финанциран од ЕУ, во рамките на регионалната програма ИПА, кој го опфаќа зајакнувањето на локалните младински капацитети и напредок на младинските локални политики. Овој проект ќе биде имплементиран од Центарот за меѓукултурен дијалог и Младински образовниот форум. Нашите цели како НВО се да ги активираме младите да работат за себе. Организирани сме да придонесеме за младите, тие да допринесуваат во местото каде што ја минуваат младоста.”, нагласи координаторката на овие активности, Лендита Ајдини.
За активистот Илир Османи, да се преземат младински иницијативи значи да се биде и одлучен за вреднување на стратешките позиции на младите во средината каде што живеат.
„Овие доброволни активности што сме ги превзеле како инициативна група, сами по себе не обврзуваат да продолжиме да битката за афирмација на младите, за обелоденување на младинската оригиналност“,изјави Илир Османи.
За во септември годинава, предвидено е одржување на младинското Собрание при што ќе се избира раководниот совет и ќе се формира постојан Младински совет.
Од Општина Липково велат дека секогаш ги поддржувале и ќе ги поддржуваат младите.
„Општината е свесна за капацитети што ги поседуваат нашите млади, отука и потребата од ваква активности. Едноставно, сега е времето на младите”, вели Уриме Селмани од Општина Липково.