Ливерпул во Англија е првиот град кој ќе отвори патеки за брзо одење на пешаците, откако направиле истражување во кое резултатите велат дека 47 отсто од Британците се нервираат поради бавното одење на луѓето за време на шопинг.
Патеките означени за брзо одење ќе им овозможат на луѓето набрзина да ја пројдат гужвата во најголемиот шопинг центар во градот на „Битлси“.
Како што се вели во истражувањето, Британците најмногу се нервирале од тоа што мораат да се проникнуваат низ гужвата, потоа ги нервираат луѓето кои се шетаат па подзастануваат со мобилен во рака како и од оние кои ги зафаќаат тротоарите без причина.
Резултатите од истражувањето велат дека помладите на возраст од 16 до 24 години ја поддржуваат оваа идеја, додека оние кои се над 55 години се против.