Пожарот што избувна вечерва крај регионалниот пат Штип – Кочани зафатил површини со сува трева поради што сообраќајната полиција еден час го регулирала сообраќајот, а пола час бил и затворен за сообраќај.
Градоначалникот на Општина Карбинци, Јордан Насев вели дека станува збор за површина од 10 хектари, а според првичните информации станува збор за пожар предизвикан од запалено стрниште.
Насев посочи дека, благодарение на месното население и на пожарникарите, пожарот е локализиран и ниту еден човечки живот не е загрозен, ниту недвижен имот.