Беспомошна пензионерка беше убиена во нејзината градина од насилник со мачета додека тој бегаше од страна на вооружени полицајци.
Прабабата Палмира Силва (82), вдовица, беше нападната од крупно граден убиец додека тој дивееше околу куќите во предградие на Лондон.
Очевидци велат дека Италијанката, поранешна сопственичка на кафуле, која ја опишаа како „многу мила дама“, беше речиси обезглавена од напаѓачот. Неколку моменти претходно бил виден како убива мачка и напаѓа жена додека таа барала засолниште во својот автомобил, кршејќи го прозорецот.
Повеќе од 20 полицајци беа вклучени во апсењето на човекот, кој бил застрелан со електрошок пиштол во очајнички обид да биде совладан.
Ужасот почнал вчера кратко време по 13 часот, кога некој се јавил на 999 за да пријави дека човек со нож напаѓа мачка. Очевидци посочија дека 25-годишниот маж, облечен во црно, носел долга мачета и бил измачкан со крв. Еден го слушнал како вика: „Мачките ми ја украдоа запалката“, додека сечкаше едно животно на парчиња.
Фреда Одаме (30), која го видела човекот, рече: „Тој имаше голем заоблен нож, со големина колку должина на рака и постојано се наведнуваше како френетично да бара нешто. Имаше луд поглед во очите, па јас ги навлеков завесите, бидејќи бев исплашена. Тој беше црнец, на возраст од околу 25 до 30 години, облечен целосно во црно, црна маичка и фармерки.
Соседите изјавија дека убиецот е Нигериец кој неколку недели преспивал во домот на пријател. Други пак рекоа дека многу тетовираниот убиец е добро познат во соседството, каде што го има прекарот Дебелиот Ник.
Еден рече: „Тој е луд човек. Тој има голем стомак и тетоважи и оди низ улиците кревајќи ги прстите кон луѓе како Сомалијци, на пример “.
Командирот Сајмон Лечфорд изјави дека нема индиции оти нападот бил поврзан со тероризам. Човекот уапсен под сомнение за убиство синоќа беше под вооружена стража во болница. Тој бил бил примен во болница поради расеченици со кои се здобил при неговото апсење.