Лоренс Оер: Од Македонија се очекуваат резултати
Од Македонија се очекуваат резултати од процесот на преговорите за името како и реализација на мартовскиот договор постигнат меѓу ВМРО ДПМНЕ и СДСМ со кој треба да се надмине домашната политичка криза. Ова во интервју за РСЕ го изјави амбасадорката на Франција Лоренс Оер.
” Да ви кажам што ќе се случи во европскиот Совет за земјата, не би можела да го измислам тоа. Ќе повторам, условите од тоа што беше побарано во декември се јасни и според тоа што го напиша Комисијата која го држи перото за ова прашање, треба да се покаже пред земјите членки дека има напредок. Вистина е дека се уште сме во исчекување на нешто и не можам да ви кажам дека во европскиот Совет да или не, ваква или онаква одлука ќе се донесе. Тоа што го знам е дека чекаме нешто во добрососедските односи. и чекаме на целата работа на доверба, клима на доверба кој беше побарана во месец декември” вели Лоренс Оер.
Во интервјуто таа го потецираше и значењето на напредокот кој Македонија треба да го направи во сферата на слободата на медиумите.
“Прашањето за слободата на медиуми е нешто што многу не загрижува, и таа точка веќе беше спомната од мојот претходник Жан Клод Шлумберже во интервју што го дал за вас во 2011-та. Бидејќи тоа ќе биде еден тест за јавното мислење, за капацитетот и зрелоста на едно општество во даден момент. Вистина е дека тука се гледа назадување, тука е НВО-то Репортери без граници, Стејт Департментот. На полето на медиумите имаме концентрација на медиуми и потреба кон прашањето да се пристапи со искреност. Ме радува што вашиот вицепремиер г. Фатмир Бесими ја продолжи дискусијата со разни синдикати на новинари за ова прашање, тоа е фундаментално бидејќи денес сликата за земјата поминува преку новинарите.” вели амбасадорката на Франција Лоренс Оер во неделното интервју за РСЕ.
Целосното интервју можете да го погледнете на Радио Слободна Европа