НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025

Интервју со Мирче Јовановски: Последиците од царините на САД – губење работни места и странски инвестиции и намален извоз

April 3, 2025

Интервју со пратеничката на СДСМ Славјанка Петровска: Ни треба повеќе храброст но не во ветувањата туку во исполнувањата

March 25, 2025

Subscribe to Updates

Get the latest creative news from FooBar about art, design and business.

НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Лос Анџелес – Како почнаа судирите  

0
By Zoran Ivanov on June 9, 2025 СВЕТ, ТЕМА
СПОДЕЛИ
Facebook Twitter LinkedIn Email

Лос Анџелес е еден од најголемите американски градови каде малцинствата сочинуваат мнозинство од населението. Латиноамериканците се најзастапената етничка група, а мигрантите – особено оние од Мексико – го сочинуваат јадрото на културниот и историскиот идентитет на градот.

Во предградието на Лос Анџелес наречено Парамаунт, каде што повеќе од 82 проценти од населението се Латиноамериканци, изминатиот викенд настана паника поради рација на илегални мигранти и информации дека мигранти без документи биле уапсени пред продавницата Хоум Депо. Иако американското Министерство за домашна безбедност подоцна ги демантираше тие информации, штетата веќе беше направена – градот експлодираше во протести кои ескалираа во насилство кое сè уште трае.

Во неделата наутро, еден ден по ескалацијата, паркингот пред продавницата изгледаше необично празен. Инаку место за собирање на десетици дневни работници кои таму бараат работа, главно меѓу купувачите и градежните изведувачи, тој ден беше речиси пуст. Само два мали камионети нудеа помош за поправки, бојадисување и покриви.

– Всушност, никој не знае што точно се случило. Сите се исплашени, рече Хуан, кој со двајца пријатели се потпираше на задниот дел од својот пикап Тојота.

Локалните жители за Би-Би-Си изјавија дека ден претходно виделе возила на имиграциската служба во близина, а потоа се прошириле гласини дека работници без документи биле фатени и однесени. Следеа демонстрации кои многу брзо станаа насилни – летаа камења и молотови коктели, а властите одговорија со солзавец, гумени куршуми и димни бомби.

И покрај тоа, американското Министерство за домашна безбедност (ДХС) порача: „И покрај лажните извештаи, немаше рација на ICE во Хоум Депо во Лос Анџелес.“

Националната гарда на улиците

Насилството не запре само во Парамаунт. Автомобили гореа, продавници беа ограбени, а федералните власти немирите ги нарекоа бунт кој се прошири низ целиот град.

Поради ескалацијата, актуелниот претседател на САД, Доналд Трамп, одлучи да ја испрати Националната гарда во Лос Анџелес — потег кој обично го повлекува гувернерот, а не претседателот. До неделата, вооружени припадници на гардата го чуваа деловниот комплекс наспроти продавницата Хоум Депо, опкружени со возила Хамви и барикади, додека демонстранти со мексикански знамиња викаа и ги навредуваа.

– Вие не сте добредојдени овде! викаше еден маж со капа од LA Angels, додека друг со спреј пишуваше пцости на ѕидот кон имиграциската служба ICE.

ДХС објасни дека во тој ограден комплекс се наоѓа една од нивните филијали и дека просторот го користеле за оперативна подготовка, но „бунтовниците ги откриле“.

Според податоците на ДХС, оваа недела во Лос Анџелес биле уапсени 118 мигранти без документи, од кои петмина наводно припаѓале на банди. Некои од нив, велат, веќе имале криминални досиеја за нелегална трговија со дрога, напади и грабежи.

„Време беше да се стане“

Трамп од Њу Џерси, на заминување кон претседателскиот авион Ер Форс Уан, даде изјава за новинарите: „Таму има насилни луѓе и нема да им го дозволиме тоа.“

Во Парамаунт, Дора Санчез сè уште се обидуваше да сфати што се случило претходната ноќ. Во неделата, со други локални жители, дојде во црквата Chapel of Change, само една улица подалеку од центарот на протестите.

– Со години ја градевме оваа заедница, станавме семејство, рече таа. „А сега сè се распадна во една ноќ. Ова беше точка на прекршување за нашата заедница.“

Лос Анџелес е еден од најголемите американски градови каде малцинствата сочинуваат мнозинство од населението. Латиноамериканците се најзастапената етничка група, а мигрантите – особено оние од Мексико – го сочинуваат јадрото на културниот и историскиот идентитет на градот.

Градот се гордее со статусот на „засолниште“, што значи дека градските власти одбиваат соработка со федералните имиграциски власти. Сепак, многумина овде чувствуваат дека администрацијата на Трамп токму нив сака да ги протера. „Време беше да се стане“, рече Марија Гутиерез, која протестираше во Парамаунт. „Ова се моите луѓе.“

Таа е родена во Мексико, но живее во Лос Анџелес уште од детството. Како и многумина во заедницата, има роднини без документи. „Ова е Л.А.“, додаде таа. „Сите знаеме некој што нема документи. Сите сме погодени.“

 

Лос Анџелес Мигранти нмемири
Share. Facebook Twitter LinkedIn Email
ТИКЕР

Постапките на Трамп убиваат, а љубовта спасува животи“, кажаа на Парадата на гордоста во Амстердам

August 3, 2025

Потврдена е првостепената пресуда против претседателот на Република Српска

August 1, 2025

Германија ќе испорача два системи „Патриот“ на Украина како дел од договорот со САД

August 1, 2025

Протест во Шабац против рудникот за литиум

August 1, 2025

Екс премиерот на Хрватска Санадер пуштен на условна слобода

July 31, 2025
ФОКУС

Милановиќ ѝ забрани на хрватската армија да соработува со Израел

ВЕСТИ August 3, 2025

Претседателот на Хрватска Зоран Милановиќ ја повика хрватската влада да ја прекине трговијата со оружје…

Честитки од државниот за Илинден

August 2, 2025

Одбележување на Илинден во Крушево, Пелинце и Скопје

August 2, 2025

Кијив: Ден на жалост по смртоносниот напад во кој загинаа најмалку 28 лица

August 1, 2025

Претплати се на е-билтенот на НоваТВ

Добиј ги последните вести на твојата е-адреса.

CIVICA
Facebook
  • Редакција
  • Маркетинг
  • Политика на приватност
© 2025 НОВА ТВ

Type above and press Enter to search. Press Esc to cancel.