Во врска со медиумските шпекулации за прегрупирањата во политичкиот центар настанати по промоцијата на ГРОМ на Јакимовски и најавите на Бучковски за формирање на нова политичка партија, претседателот на Либералната партија, Ивон Величковски се огласи со следнева изјава.
– Импонира желбата за соработка на бројни граѓански и политички иницијативи со Либералната партија. Ова потврдува дека во изминатите две години ЛП стана атрактивна за сите слободоумни и општествено активни и одговорни граѓани, кои во нас препознаваат автентичен и динамичен политички центар спротивставен на оваа власт, но и на биполарната политичка сцена и политичкиот клиентелизам.
Драго ни е што Либералната партија и либералните политики се точката на спојување на проминентни политичари, бизнисмени, новинари и општествено влијателни поединци. ЛП е отворена особено и за Бучковски, Јорданов, Зиков и сите граѓани со интегритет, подготвени за надминување на проблемите со кои се соочуваат македонската држава и општество, се вели во изјавата на Величковски објавена на официјалната Веб страница на Либералната партија.