Барселона го совлада Интер со 2:1 во дербито на вечерта во фудбалската Лига на шампиони. Јунак на „Камп Ноу“ беше Луис Суарез кој со два гола во 58. минута и во 84. минута го поништи водство на „нероазурите“ што го осигура Лаутаро Мартинез во третата минута. Во вториот меч во групата Ф, Борусија Дортмунд славеше на гостувањето кај Славија во Прага со 2:0.
„Убавицата“ на вечерта беше „Енфилд“ каде Ливерпул славеше над Салцбург со 4:3. Двоен стрелец за „црвените“ беше Мохамед Салах во 36. минута и во 69. минута, Садио Мане во 9. минута и Ендрју Робертсон во 25. минута. Стрелци за гостите од Австрија, кои во еден момент стигнаа и до 3:3, беа Хванг Хе Чан во 39. минута, Такуми Минамино во 56. минута, Ерлинг Брут Халанд во 61. минута.
Вториот меч во групата Е меѓу Генк и Наполи заврши без голови. Македонскиот репрезентативец Елиф Елмас беше стартер во составот на Карло Анчелоти и одигра 58. минути пред да биде заменет со Дрис Мертенс.
Лига на шампиони, 2 коло
Група Е
Ливерпул – Салцбург 4:3
Генк – Наполи 0:0
Табела: Наполи 4, Салцбург 3, Ливерпул 3, Генк 1.
Идно коло (23.10.2019 год.): Салцбург – Наполи, Генк – Ливерпул
Група Ф
Барселона – Интер 2:1
Славија Прага – Борусија Дортмунд 0:2
Табела: Борусија Дортмунд 4, Барселона 4, Интер 1, Славија Прага 1
Идно коло (23.10.2019 год.): Интер – Борусија Дортмунд, Славија Прага – Барселона
Група Г
Зенит Санкт Петербург – Бенфика 3:0
Лајпциг – Олимпик Лион 0:2
Табела: Зенит Санкт Петербург 4, Олимпик Лион 4, Лајпциг 3, Бенфика 0
Идно коло (23.10.2019 год.): Лајпциг – Зенит Санкт Петербург, Бенфика – Олимпик Лион
Група Х
Лил – Челзи 1:2
Валенсија – Ајакс 0:3
Табела: Ајакс 6, Челзи 3, Валенсија 3, Лил 0
Идно коло (23.10.2019 год.): Ајакс – Челзи, Лил – Валенсија