Зоран Иванов
80 години ЗНМ.
Децении на подеми и на падови.
Падови како периодов кога ЗНМ премолчува.
Кога молчи за катадневните антиновинарски, за партиско пропагандистичките содржини во дел од националните ТВ и во дел од влијателните веб портали.
Кога е заглувено за медиумски содржини евидентно креирани во партиски штабови.
Кога со молкот за напливот на агресивното антиновинарство презентирано во партиски креираните ТВ емисии и во порталските партиски содржини, го урива достоинството на професијата и на Здружението.
И кога уво не го заболе за влијанието на таквите кампањско сугестивни медиумски содржини врз јавното мислење кое во декадава, посебно периодов, го обликуват во регресивно антиевропско со тоа и во бесперспективно антимакедонско општество.
Со надеж дека новите новинарски генерации 90 годишниот ЗНМ ќе го пречекаат во поинаков, во понезависен, во послободен, во поодговорен и во попрофесионален медиумски амбиент – Честит 80 годишен јубилеј ЗНМ!
Нова тв. мк / 13 март 2026