Зоран Иванов
Деновите се такви, пред изборни, по изборни и веќе, имам чувство сите се` напишаа, не знам што би напишал, па сепак, еве збор, два на таа тема.
Постизборно, посебно постизборно, ќе се види само малку по некое време, работава, по скопски, е врвка.
ВЛЕН го победи ДУИ ама бргу ќе се порази и себе самата доколку и натаму се шлепа на анти ЕУ агендата на ДПМНЕ.
Целиот бенефит на таквото клиентелистичко ВЛЕН кому, евидентно, а наспроти ветувањата за ЕУ, му се поважни министерските и градоначалничките фотелји и нивните ситни дневни функционерски комодитети, ај што ќе ја плати цената политички, туку што, со нивните поддршки за ДПМНЕ-овските анти ЕУ политики, евидентно веќе подолго се` поскапо ќе ја плаќаат граѓаните кои сме од ЕУ подалеку со секој нов ден.
А, еве и по посебно и издвоено и за сограѓаните Албанци:
Па нели „нивната“, „вашата“ Албанија, па и дел од „нивната“, „вашата“ Црна Гора, ова евидентно регистрирано и со најновиот Извештај за напредокот на земјите од Западен Балкан што ЕУ ќе го објави утре, спомнатите држави соседи и нивните граѓани таму, за разлика од нас овде, незапирливо си галопираат кон ЕУ.
Кон лепезата ЕУ вредности.
Но нејсе.
Многумина од граѓаните гласачи се на работа на Запад. Таму по принуда за егзистенција и за образование за своите деца и, оттаму, дали Македонија ќе фати некаков приклучок за ЕУ или не, нека е само субјективна претпоставка, како баш ич и да не им е важно.
Излегува дека по овие локални од 19-ти октомври и по вториот круг од 2-ри ноември, а по глобалната анти ЕУ политичка доминација на ВМРО-ДПМНЕ, Албанците од Македонија и Македонците во Македонија, си фатија пат кон натамошна уште по нагласена анти ЕУ ерозија.
Ерозија економска, финансиска, егзистенцијална, морална и, во секој поглед, и вредносна.
Па, Албанци граѓани гласачи и Македонци граѓани гласачи, си одбравте па сега …
Па сега нема на каде туку наназад каде што сме тргнале.
Наназад и тоа онака како што и ни беше најавено – наназад гордо.