lu-ping / И затоа што Скопје се сака  

Скопјани ја загубија битка со „скопјаните“.

На Скопје му се случува нов бран рурализација.

Му се случува примитивна компензација за неговата трауматична антиквизација.

И тоа е, и толку е од урбаното Скопје.

Во градот, тука и таму, ќе живурка уште по некое носталгично маалско ќоше.

И уште по некој скопски ментален урбан џеб.

Но Скопје е Скопје и скопјани се скопјани па, како и секогаш во неговото минато, и сега и натаму, Скопје ќе го крепи традиционалниот нескротлив дух на скопјани.

И ќе го воздигнува неисцрпниот генерациски скопски младешки ентузијазми.

На Скопје ништо не му е за прв пат и, кога тогаш, Скопје ќе се крене и ќе се крева зашто Скопје е Скопје.

И затоа што Скопје е на скопјани.

И затоа што Скопје се сака!!