Зоран Иванов
Мицкоски, тој уништувач на традиционалниот и основоположник на „модерниот“ македонски, ги испретумба лончињата идентитетски на наша национална штета, секако.
За почеток во Стразбур, а како тргнал идентитетски да не ништи, ќе стаса и до Брисел.
Со својата идентитетска кампања, како што вели и народната, Мицкоски ни стави трн во здрава нога.
А мал милион пати му е порачано и предочено да не отвара затворени теми.
Да не влегува во добиени битки.
Да не покренува идентитетски прашања затоа што, прво ги нема и, второ, теми историски и теми идентитетски не се теми на агендите на ЕУ. Тие и таму се завршени приказни.
И стопати му е порачано дека идентитетот македонски е тема затворена уште од АСНОМ па наваму и по втор пат потврден по осамостојувањето на Македонија.
Идентитетот македонски и јазикот македонски се зашишани во ООН.
И администрративно, катастарски, запишани, регистрирани, архивирани и депонирани таму во ООН.
Во тетратката на таа светска меѓународна организација. Таму меѓу сите од тоа друштво народи и нации.
И ај што предизборно ги изманипулира луѓето за гласови, демек идентитетот македонски тој ќе ни го спасувал и гордо, нели, веќе немало да има виткање кичми и `рбети, туку постизборно си се исповитка и си исколеничи молејќи ги Бугарине за средба било кога и било каде дури и било кој од нашите, како што вчеера повтори и неговиот млад мнр демагог, со кого од кај нивните.
А тие не го фермаат, го игнорираат и еве го епилогот од вчера од Стразбур. Ни закчија нов идентитет, „модерен“.
По толку коленичења, по толку мољакања за средби со бугарската страна за темата идентитет која не ниту тема за ЕУ, ниту е тема за овој век освен што е тема негова изборна, практично тој, а не некој однадвор, мам.то му го расплака на идентитетот македонски. Ни го модернизираше.
Наместо да ги игнорира бугарските средновековни дребулии, тој запнал ќе ни го бранел идентитетот. И еве ни го одбрани и тоа онака „модерно“.
Ни налепи нов идентитетски квалификатив. И тоа онаков, „модерен“.
Во Стразбур му го спопи.каа неговите. Тие десните со кои се фалеше, му покажаа среден прст.
Го отфикарија, му подметнаа „модерен“ јазик кој за среќа, само поради разумните таму, не мина и тоа за влакно.
Но ќе видиме, има и второ, јулско полувреме во кое, како тој и неговите тргнале, тие неговитѕе сестрински ќе не` дотолчат идентитетски модерно. Јазикот ќе ни го модернизираат.
Ќе не` туркале во ЕУ со нов „модерен македонски јазик“. Ќе не` ребрендирале бирократите европски пријателите партиски на ДПМНЕ ко да сме Версаче производ.
И тоа неговите кои еве му местат „модерен македонски“. И кои всушност го маскираат, попрецизно, ни го подметнуваат дијалектот западен бугарски.
Ех бе Мицкоски, се залета идентитетски ко в.л во зелка.
А му велевме не отворај теми кои никој не ти ги бара, што туку чепкаш мечка у …
Ама не. Тој манипулативец докажан, северна ќе ја ништел, идентитет ќе ни средувал и јазик македонски вековен ќе ни спасувал.
На темата, на тенок мраз го навлече и оној за греотата известител кој не зне со каков балканец си има работа, оној Томас, оној дечконо ЕУ пратеник од Австрија.
Оној кому не му минаа финтите овдешни прешалтува во рикверц.
Ниту неколку часа не минаа од сразбурското гласање, и тој Вајс си го откачи Мицкоски.
Човекот побрза да се извлече па се испофали дека бил пријател со Бугарија. Згора, и дека му се чинело, впечаток му е, дека Македонија не сака во ЕУ.
И сега што. Тој, актуелниот шеф на ВМРО-ДПМНЕ и неговите, идентитетот и јазикот гордо ќе ни го бранеле.
Дури се поптврдува дека и впечатокот на Вајс е реален.
И дека е сосема јасно дека оваа актуелна власт македонска, не ја сака Македонија во ЕУ.
И излегува дека тоа што и предизборно го знаевме, дека идентитетот е само маската. Само манипулацијата популистичка. Мицкоски не сака со ЕУ и во ЕУ.
Ни се случува како да сме на кораб со пијан капетан кој наместо да не` води по ЕУ магистралата, не` насукува на балканското беспаќе.
Идентитетот ќе ни го бранел а, всушност, неговата „идентитетска“ политика, нас сите, топтан сите, сосе идентитетот наш македонски, тој, Мицкоски, не` стави за мезе на европската гурманска маса.
Таму, непријателите наши вековни, да можат да се изживуваат врз нашиот идентитет. Да го ситнат и моделираат. Да го модернизираат. Да сме им тема што не е тема и дополнително да не` домалтретираат со алатката што ни ја подметнаа. Со онаа за модерениот македонски јазик.
Со она „модерен“ што заудара на бугарската антимакедонска кампања за западнен дијалект.
Ете до каде не’ дотуркаа Мицкоски и дружината – идентитетот традиционален македонски да ни го компензираат со идентитет “модерен” немакедонски.