Зоран Иванов
Во случајот „Перев“ и двајцата функционери, Радев и Мицкоски се однесуваат како селски тетки преку плот кои едвај да чекаат да се зачепкаат за нешто. Веќе видена приказна, истрошена. Забава за јавноста бугарска и, да не останеме и ние должни, и за овде за нашата македонска.
И не само тоа, бугарскиот претседател ја активираше целата негова дипломатија за некаков, се чини вербален или, колку што може да се забележи од реакциите по медиумите, и благ физички инцидент кој колегата Перев, го знам човекот, фин, сталожен, интелигентен, можел елегантно да го изигнорира провокаторот.
Но ете и тој како да чекал пак да се растурат пердуви на нетрпение меѓу Бугарите и Македонците и целата оваа ујдурма нема никаква врска ниту некаква допирна точка со нашите евроинтеграции, туку само уште малку прав колку да го до замагли овдешното евро расположение.
И нема потреба ниту премиерот ниту било кој политичар од овде „да жонглира“ на оваа и на слични теми. Прво е несериозно и смешно. Маалски речник не доликува на политичари на високи и на одговорни функции.
Ншиов, божем, го надитри Радев.
А и тој пак оттаму, тој Радев. Претседател на ЕУ држава, исто по балкански недозреано на нерасчистен, на не докрај расветлен случај, од мравка прави слон. Демек „ни ги малтретираат нашите таму“.
Ете со што се занимава и македонскиот и бугарскиот државен врв. Со маалски надмудрувања.
Под секое политичко ниво е таа и таква јавна, уште и меѓународна дипломатска комуникација. Инфантилно малку.