Зоран Иванов
Со „неподнослива леснотија” Мицкоски денеска протртља за шајки, за идентитети, за бујари, за исуси …
Добро бе премиер, еве едно просто прашање: Европската Унија е историски клуб или е економско политичка заедница?
Теми истории, идентитети и слични манипулативни популистички глупости, не се теми на таа економско политичка заедница каде што Ти не сакаш да одиме.
А не сакаш поради …
Е таа енигма, кога тогаш, посебно кога со оваа Твоја политика ќе ја дозаглавиш Македонија и кога ќе ги доиселиш децата, и не само нив, туку нив со се родителите, ќе треба да ја објасниш.
Да објасниш за ова што сега ѝ го правиш на Татковината.
На Македонците, посебно.
Извештајот на тој наивниот што меѓу нозе го зедовте, на тој евро известувачот што го заведовте или што друго и да му направрте за да го наведете да е соучесник во дозатворањето на македонскиот ЕУ пат, верувам знаете дека како стара хартија ќе биде пратен на рециклирање во аулите на европската бирократија.
Актуелната содржина ќе му заврши таму зашто, на крајот, од оваа сага се’ ќе се сведе на неизбежниот факт дека терминот „вековен” во неговиот ЕУ извештај воопшто не е тема за ЕУ туку дека е тема за научни историски институти.
Го знаете тоа нели?
Знаете дека идентитети таму, во ЕУ, не се тема.
Не се тема дури ни за науката меѓународна зашто идентитетот е субјективна тема за конкретен народ, за конкретна нација, за конкретна помала или поголема група граѓани.
И затоа, тоа, идентитет, воопшто не е тема за Твоја дневно политичка манипулација и ич не е тема за нашите евроинтеграции.
Тоа дека „бугарите ќе не блoкирале“, тоа дека „ќе не`“ …
Прво почни преговори па, па нека нè блокираат.
Да видиме дали „ќе нè”.
Ако пак ЕУ не извиси за нивна сметка, тогаш гитла оттаму. И тогаш и секогаш можеме „чао ЕУ“.
Вака, вака, чисти манипулации и деградации на сите македонски перспективи.
И државни и национални.
А за бугарската страна, за бугарската децениска шовинистичка политика, ајде игнор.
Освен, освен ако Твојата политика, а сите Твои постапки натаму водат, не е на линијата на бугарската негаторска политика.
Па, е ли?
Некако како сè натаму да упатува.
А за да не е тој впечаток, треба да направиш се’ да почнеме преговори веднаш.
Да ја баталиш таа нивната политика децениска бугарска. Да ја баталиш сосе нивните бугарски историски и идентитетски теми зашто тие не се ЕУ теми.
Да ги пуштиш слободно да си се излизгаат таму на заедничката ЕУ маса.
Таму, во Брисел.
Да си се изглупираат со нивните негаторски теми од пред векови.
Да си се дообрукаат таму, во ЕУ. Таму пред сите.
Со бугарските небулозни средновековни теми малку да се забавуваат и да им се подсмеваат и бугарските ЕУ партнери.
Вака, намерно ли, не знам, знам ама овојпат ќе премолчам, нас Македонците идентитетски не` туркаш во бугарскиот аспираторски скут.
Те разбираат ли Твоите во партијата, не тие од „бугарското“, туку тие од “македонското крило”, каде тоа ја туркаш нацијата?
Те разбираат ли дека ја пробугарчуваш Македонија, дека ја враќаш на билатераланата бугарска наместо да ја туркаш на мултилатералната европска преговарачка маса?
А мотивите за таквите Твои постапки?
Мотивите …
Кој би знаел што сè се мота во премиеровата глава.
Можеби токму шајките со кои Тој, Бујар, го распнал идентитетот на македонската нација, се всушност, истите тие шајки со кои Тој, Христијан, го кова ковчегот на македонската држава.
Можеби.