Зоран Иванов
Министер не би требало да б’мбори по пресови и фејсбуци, да се навраќа како било од асном па наваму туку, како слуга на народот, нели, да слуша и да дејствува сега и овде.
Фатив на вести, на една нивна тв, уредникот водител вели министерот Тошковски, „жестоко” им одговори на сдсм, дуи и левица, “многу жестоко” појачува, додава гас водителот уредник на вестите на националната телевизија. Дополнува дека тој, министерот, „ептен жестоко ги запукал на фејсбук.
Ме заинтригира малку, некако ми недостасуваше смешка па го побарав фб профилот на министерот да го ѕирнам тоа “жестоко”, “многу жестоко” и тоа „запукал“.
И што да видам. Профил фб ко профил ама овој не на било кој туку на министер на ептен важен ресор кој на секое свое фб фото, на секој свој фб пост, туп, знаме македонско си залешил. Патриотски ептен.
Мислев е пограѓанин но добро. Младост. Можеби така побргу се пробива во партијата матична на која, патем, на пола од досегашните нејзини функционери, граѓанствата и државјанствата онака ептен патриотски им висеа и уште им висат по бандерите во пиринските села. Но ајде толку за патриотизмот преку знамињата министерски па на темата од насловот.
Очигледно, кога зборува за корупција, министерот како да не си се разбира дека во периодов по кочанската трагедија посебно, тој е меѓу прјаниците на корупцијата.
Додша онаа именувана како корупција со влијание. Евидентна корупција со влијание како што би формулирале и од антикорупциска.
Влијание кога министер од таа и таква државна моќна и влијателна позизија коруптивно си ги покрива своите во ресорот.
Оние на кои, не партиите опозициски, туку за кои афирмирани правници велат дека за конкретниот настан во конкретниот ден и на конкретниот час, најнепосредно најодговорни се неговите од ресорот.
Дали тоа го гледа, го слуша и го чита министерот па макар и на фејсбук. И дали ги разбира пораките макар, еве, нека се тие дури и од неговите партиско опозициски опоненти?
Судејќи според квалификативот на погоре посочениот тв уредник, “жестокиот” одговор на министерот на партиските ама и на приговорите на јавноста, на онаа трезвената, пореалната и пообјективната, забелешките на неговите робусни ангажмани бркајќи виновници насекаде наназад освен тука пред него, кај него, во неговиот атар, навистина жесток фејсбук одговор. Многу жесток.
Жесток како лет во место. Пафташ со крилјата и пуф, ништо. Ништо зашто со патетики и со партиски математики, системот не се чисти. Не со такви финти.
Не, зашто цената не ја плаќа министерот како што вли самиот за себе. Не. Цената ја плаќа правдата. Правдата.
Но, кај и да е, вознесот ќе му мине. Како и на многумина седнати на истата таа фотелја пред него. Ќе му мине. И како и на претходните, и нему ќе му се паметат само ароганцијата како производ на моќта на позицијата. И утките што еве цел месец ги ниже како лисје тутун на црниот коноп на кочанската трагедија.
Време е да се запре и со прес забавите и со фејсбук забавите. И со политизирањата. Со прес, фејсбук и партисли б’мборења.
Како за министер, ајде потрезвено, пореално, поправично.
Ако се има малку усул и малку образ, секако.