Луѓето со дијабетес да си ги доплаќаат квалитетните инсулини. Ова го побарала Националната комисија за дијабетес од здруженијата на пациенти на последниот состанок во Министерството за здравство. Од нив било побарано да потпишат документ, а истото ќе се вметне и во Законот.
„На тој состанок побараа да си ги доплаќаме квалитетните инсулини и да потпишеме документ за тоа. Ивица Смоковски од Комисијата ни се изнасмеа во лице побара да потпишеме документ со кој треба да се доплаќа разлика од по 2000 денари месечно по пациент. Не фати паника, страв, има луѓе што немаат леб да си купат, животот им зависи од тие инсулини, а тие бараат да си ги доплаќаме“ изјави Иво Дуковски од здружение на дијабетичари од Струга.
Здруженијата за дијабетес кои денеска се собраа од цела Македонија велат дека имале огромни притисоци од преседателот на Сојузот на дијабетичари, Благоја Димовски кој не ги подржал, ја заклучил вратата, така што тие беа принудени прес конференцијата да ја одржат пред вратата на Сојузот на дијабетичари.
Притисокот бил толку силен што неколку здруженија откажале во последен момент „Наместо да ги штити нашите интереси, Димовски не само што ми вршеше мене притисок туку изврши притисок и на 5-6 здруженија кои откажаа во последен момент. Тој ги штити сопствените интереси, а тука имаме мали деца чиј живот зависи од инсулините“, изјави Стефан Јовановски од Куманово.
Луѓето со дијабетес е во последните две години се соочуваат со недостиг на инсулини за кои тврдат дека не се квалитетни, се сомневаат во начинот на кој се транспортираат, не чинат апаратчињата за кои тврдат дека не мерат точно, како и иглите кои мора да си ги докупуваат.
„Моето дете има четири години и една година има дијабетес. Знаете ли што значат 1850 боцкања со инсулин во годината и 2500 на малите прстиња, вкупно 4000 боцкања годишно. Единствен стнадард и мерило за инсулините е најефтината цена. Апаратчињата за мерње на шеќер во крвта не мерат точно, така да постои опасност од кома и смрт, по примената доза на инсулин поради тие апаратчиња“, изјави Наташа Деспотовска Димитриевска, мајка.
Денеска тие најавија дека доколку не сменат овие работи и не се подобри квалитетот на инсулините ќе излезат масовно и ќе кампуваат пред Министерството за здравство.
„Бараме целосна и навремена испорака на инсулините, да добиваме квалитетни инсулини и апаратчиња, соодветни игли и да не се врши притисок на лекарите секој новодијагнистициран пациент да се става на хуман, односно евтин инсулин. Доколку не се исполнат нашите барање ќе излеземе масовно и ќе кампуваме пред Министертво за здравство“, изјави Цвете Серафимовски од Баланс МК.
Овој документ покажува како е вршат порачките, односно од 600 предвидени за Прилеп се скратени нарачките, на само 100 инсулини од одреден тип.
