Комисијата за верификација на фактите го лустрираше и Славко Јаневски, великанот на македонската книжевност.
Последната одлука на Комисијата за верификација на фактите се однесува на поранешен академик и пистател.
Иако лустраторите не го кажуваат неговото име, сепак, според назнаките кои се дадени станува збор за академик и писател познат по делото „Селото зад седумте јасени“ чие досие го носи името „Славјан“.
Јаневски беше истакнат македонски раскажувач, романсиер, поет, филмски сценарист, есеист и сликар, спомнатиот негов роман е првиот роман на македонски јазик.
Покрај него лустрирани се уште 15 лица. Еден од оваа група лустрирани е починат.
Членот на лустрациската Комисија Чедо Дамјановски за НОВА изјави дека ваквите потези се спротивни на одлукатa на Уставниот суд- поранешни, починати функционери да се лустрираат, додавајќи дека вчера Советот на Европа ги критикуваше македонските власти затоа што не се почитува одлуката на Уставниот суд.