Лустрирани се четири лица соработници на тајните служби со 8 гласа за, додека само Чедо Дамјановски бил против.
Се работи за двајца наредбодаватели кои издвале наредби и прибирале информации и двајца сорабоници на тајните служби потврдија во Комисијата за верификација на фактите. Двајцата се познати и звучни имиња во јавноста.
Едниот од двајцата наредбодатели, бил потсекретар во Министерството за внатрешни работи, а потоа и заменик-јавен обвинител. Другиот бил републички секретар за внатрешни работи и окружен јавен обвинител, како и член на антикорупциската комисија.
Аргументите на Лустрациска се следниве: Тие како наредбодатели ги прекршувале човековите права и слободи од идеолошко- политички и партиски причини, издавајќи наредби за следење на движењата и комуникациите на лица осомничени за настапување од позиции на македонски и албански национализам и сепаратизам.
Нивните сомневања не биле потврдени во законски утврдена процедура, а ги прекршувале и човековите права и слободи на малолетници средношколци, со што се прекршувани меѓународни декларации.
Од комисијата појаснуваат дека се работи за вербален деликт, а некои од учениците, станувале предмет на оперативна обработка поради бојкот на часови по македонски јазик започнат заради намалување на часови по албански јазик.
Како што изјави за НОВА членот на Лустрациска Чедо Дамјановски, еден од аргументите што единствено гласал против е фактот што во законот воопшто не се опфатени наредбодавателите, туку само три категории: соработници, информативни врски и оперативци.
Еден од соработниците е поранешен носител на јавна функција, професор на Педагошкиот факултет во Битола и долгогодишен секретар на Друштвото за наука. Тој бил евидентиран за соработник на поранешните тајни служби под псевдоним „Мисирков“, а во 80-тите години ги кршел човековите права и слободи од идеолошки и политички причини.
Ги известувал тајните служби за настапи на личности од областа на издавачката дејност, литературата и културата од позиции на македонски и албански национазлизам и сепаратизам.
Вториот соработник кој што беше лустриран денеска е поранешен пратеник и директор на Стоматолошките клиники во Скопје. Тој во 80-тите години бил евидентиран како оперативна врска, а со својата активност ги прекршувал основните човекови права од идеолошки и политички причини на свои блиски соработници и колеги од клиниките.