Мирољуб Петровиќ, од Крушевац контарвезниот травар и противник на традиционалната медицина е главна тема во српските медиуми откако се соочи обвинување од македонско семејство поради смртта на 31 годишниот Славчо Петров кој на 7 јануари, почина од тумор на мозокот.
Неговата сестра, 23 годишната Билјана Јовановиќ, за смртта на нејзиниот брат го обвини лажниот доктор и надрилекар кој им наплатувал дебело за услугите и не дозволувал Славчо да се лекува во болница, убедувајќи ги дека само тој има решение за неговиот проблем.
Во март минатата година докторите во Македонија му откриле тумор на мозок, кој , според изјавите на неговата сестра Билјана Јовановиќ, бил на недостапно место и не можел да се извади.
Таа тврди дека ваква операција била можна само во странство, но бидејќи немале можност за тоа одлучиле да му се обратат на контроверзниот Мирољуб Петровиќ. Овој човек кој се најде на мета на српксите медиуми по смртта на Славчо, со години држел предавања против традиционалната медицина и ги убедувал луѓето да се лекуваат со тревки и да се молат на Господ.
Билјана за Бука раскажува дека секој нов совет и го наплаќал од 50-до 120 евра. Славчо останал шест дена во овој „Центар“, а секој ден му бил наплатуван по 120 евра. При тоа, строго му било забранувано да контактира со лекари од класичната медицина.
Лекувањето ви неговот „Центар за природна медицина“ се состоело од од разни сокови и тинктури при што тие биле постојано убедувани да не бараат помош од лекар.
Билјана, сестрата на починатото момче ги објави и пораките кои ги разменувала со лажниот доктор, во кои тој ја убедува дека со неговите совети и молби кон Господ, сѐ ќе биде во ред и дека нема никаква потреба од лекар.
Само неколку дена по смртта на Славчо Петров, неговата сестра гостуваше во утринска програма на Прва тв, заедно со надрилекарот Петровиќ, каде ја раскажа потресната приказна, нарекувајќи го надрилекарот, доктор Петровиќ.
На нејзините обвинувања, тој реагираше со зборовите ,,буздованка од Македонија, облечена како проститутка“.