Компанијата „Македонија лек“ денеска преку соопштение го појасни случајот со МПР вакцините кои беа пронајдени на вакциналните пунктови на чија декларација со рок до октомври 2018 година.
Откако во јавноста се појавија информации за можно присуство на вакцини со истечен рок, од компанијата „Македонијалек“, која е увозник и дистрибутер на МРП вакцините, соопштија дека е извршна внатрешна контрола за проверка на овие наводи.
Контролата, како што се вели во соопштението покажала дека сите МРП вакцини од марката „Priorix“, кои нашата компанија ги дистрибуира, се со важечки рок и сигурни за користење. На вакциналните пунктови има дистрибуирано вакцини од две серии, едната со важност до мај 2019 година, а другата до јули 2019.
Во врска со пронаjдените вакцини со декларација на која има рок од октомври 2018, Од Македонија лек велат дека се работи за техничка грешка.
-При контролата, откриена е помала техничка грешка која вработените ја направиле при аплицирање на декларациите. Имено, кај мал дел од пакувањата се аплицирани старите декларации со датумот од претходниот увоз, односно октомври 2018. Овие пакувања се веднаш повлечени како не би правеле понатамошни забуни во јавноста и соодветно ќе бидат заменети, се вели во соопштението од Македонија лек.
Министерството за здравство во врска со овој случај вчера соопшти дека се работи за погрешни декларации, и дека вакцините се безбедни и со важечки рок.