Македонија има сериозени проблеми со слободата на медиумите и изразувањето кои го привлекуваат вниманието на различните меѓународни организации со оглед на тоа што станува збор за една од основните демократски вреднсти.
Европската федерација на новинарите постојано ја следи состојбата во Македонија и укажува од потребата да се превземат сериозни чекори за да се направи исчекор кон подобрување на ситуацијата. Директорот на Европската федерација на новинарите Марк Грубер смета дека Македонија прави еден чекор напред, а потоа два назад.
“Имаме впечаток во Македонија се прави еден чекор напред, па два чекори назад. Одамна ги критикуваме условите на работа на новинарите. Нов закон за декриминализација на клеветата беше усвоен, гледавме на тоа како на позитивен чекор и на 24 декември се случи тоа што знаете, новинари беа избркани од собранието со што се прекина дијалогот помеѓу новинарските здруженија владата, дијалог кој е многу важен во законодавен но и во професионален контекст” вели Марк Груебер.
Особена загриженост кај колегите во европските земји причинија настаните од 24 докември кога новинарите беа насилно отстранети од Собранието.
“Секогаш постојат правила за пристап на новинарите во јавните институции, но овде стануваше збор за арбитрарно бркање. Проблемот е што ова беше лошо изменеџирано, дијалогот е сеуште прекинат помеѓу здруженијата и владата. Ако три месеци подоцна сеуште сме во статус кво позиција, морам да признаам дека тешко можам да замислам друга држава во ЕУ да се доведе себеси во ваква ситуација” вели Марк Грубер потецирајќи дека нивната организација е во постојан контакт со европксите институции во обид да помогне да дојде до подобрување на сотојбите во Македонија.
Слободата на медиумите во Македонија беше тема за која се расправаше и на јануарската сесија на Комитеот за човекови права во Европскиот парлемент. Состојбата за слободата на медиумите во Македонија критички ќе биде оценета и во новиот извештај на Европскиот комитет кој ќе биде објавен овој месец.
Интегралното интервју со Марк Грубер погледнете го во рубриката СТУДИО