За Нова ТВ од Букурешт: Сашко Ѓ. Димовски
Маестро Симон Трпчевски вечерва ќе одржи концерт во Букурешт, во рамки на Македонската недела во романската престолнина во организација на Владата на Македонија и на Амбасадата, на кој како специјални гости се најавени играчите и стручниот штаб на фудбалската репрезентација.
Македонскиот пијанист со светско реноме е страствен навивач на фудбалските репрезентативци што го потврдил многупати досега, а беше крај нив и за време на дебитантскиот настап на ЕП 2020 против Австрија во неделата за што објави фотографии на својот профил на Твитер.
Фудбалската репрезентација на Македонија утре попладне (15 ч.) ќе игра против Украина во второто коло во групата Ц на Европското првенство.